Si t'këndoj për ju t’ri.
O martir t'lirisë.
Me lahutë e çifteli?
Netëve pranë vatrës?

Apo livadheve, shkollave,
lagjes ku ju jeni rritun.
Apo rrugëve t’Prishtinës,
Drenicës, Mitrovicës, Pejës,
Gjakovës e Malishevës.
Aty ku derdhët gjakun
për lirinë e shqipes.

Apo t'u ngrej muranë,
në vendin ku keni rënë,
që gjaku i derdhun
t'ushqejë lulkuqet
kur kunorë t'ua vëmë.

Gjakun e pastër t'zemrës,
Dardanisë dashtun i'a falët.
N'rini u fikët për nderin e motrës,
Për m’at madhin, nderin e nanës,
që shqipja jonë t'fluturojë e lirë
n'qiellin e kaltër t'Dardanës.

Cikël me poezi për Kosovën 1989:
Në pranverën e vitit 1989 Serbia në mënyrë të njëanshme i hoqi autonominë Kosovës. Kësaj padrejtësie etnike shqiptarët të pri nga intelektualët u ngritën në protesta masive paqësore. Protestat më së shumti grumbulluan rininë studentore dhe atë gjimnaziste. Makineria shoviniste serbe e Millosheviçit reagoj me gjithë egërsinë e sajë për t’i shtypur këto protesta duke vrarë 75 të rinjë, plagosur e burgosu me qindar të tjerë.