Ata s’kishin asgjë
Përpos shpirtit lakuriq
S’guxonin as të vdisnin
Në befasi
S’kishin asnjë lekë për blerjen e kryqit
As mundësi
Për një arkivol të dinjitetshëm

Kurse për meshën
Asnjëherë s’kishin çarë kokën
Mund të udhëtonin si gjithmonë
Në ndonjë karrocë
Me kuaj të plakur e të zgërlaqur
Nuk e lodhnin kokën
Se me çfarë do të mbërrin te varret

Ata s’kishin asgjë pas shpirtit
Ishin një ushtri e madhe
Që s’mendonin askurrë
Se ku do blejnë një varr
Dhe në cilin vend do varrosen
Te varret e qytetit
Apo diku ku s’kalon asnjë kalimtar