Ishin boshatisur të gjitha rrugët
S’dëgjohej asnjë lehje
Mbase edhe qentë endacakë
I kanë mësuar
Për mrekulli
Vendet e fshehta të strehimoreve

Alarmet e qytetit u ngjanin
Shurdhmemecëve
Alarmonin me tërë forcën e zërit
Por askush nuk reagonte
Mbase ishin shurdhuar
Edhe shtyllat elektrike

Kjo zbrazëti rrugësh
Nuk ka një ogur të mbarë
Nga veriu
Janë nisur disa re të zeza
Dhe si të çmenduara
Ia kanë mësy portave të qytetit