Paramendo një stinë të re
Pa gjethe
Me trëndafil të venitur
Në dy vazo të metalta
Të rritej një lule e egër stepe

Shikoje në pasqyrë vetveten të etur
E të uritur
Se si në dy gjunjë shikon diellin
Kah t’i përvëlon trutë
E ti askund nuk gjen një hije shpëtimi

Nuk di si mund të duken çastet
E pritjes së shiut
I cili ende nuk është nisur
Nga vorbullat e dendura të mjegullave
Çfarë durimi mund të lind në vazo

Kurse trëndafili për mrekulli
Është në gjendje për ta kontrolluar
Frymëmarrjen tënde të shpeshtuar
Stërkalat e shiut sonte
Me qëllim vonohen për njëqind vjet