Rrugëve pashë
Shumë pemë të karbonizuara
Fëmijë të nakatosur
Me sy prej thëngjilli
Bretkosa duke kënduar
Në një kor madhështor prej hiri
–
Nëpër lëndina hasa në kërcu
Të shkrumbuar
Diku sinorëve të shkulur
Digjeshin gurët e ngulur në dhe
Aq të forta ishin zjarret
Sa që piqeshin breshkat në rërë
–
Gjithkund zjarre të ndezura
Njerëz me maska
Dhe nëna të thinjura
Me gjinj prej plastike
Nëpër asfaltin e zhuritur
Vallëzonin tangon e paparë të zvarranikëve