Nuk duhet të befasohemi
Për asgjë
Ne i pamë vdekjet nëpër rrugë
I prekëm kufomat
Nga vrasësit me pagesë
Dhe pa pagesë

Kriminelë të çdo profesioni
Mjekë që abortonin
Në çdo kohë adoleshentet
Profesorë që në secilin xhep
Kishin nga një diplomë
Moralin që shitej nëpër pjatat e palara

Pamë edhe xhambaz gomarësh
E kuajsh të tredhur
Njerëz me shtatëqind fytyra
Kasap të pandershëm
Duke shitur qenin e rrjepur
Dhe klerikë pedofilë
Me nga një kryq prej ari