Flamuri ynë kombëtar,
I kuq porsi gjaku,
Ai gjak që derdhën dëshmorët,
Kur rrugën e betejave morën.

Gjaku dhe flamuri,
Një trup i vetëm janë,
Pa njërin prej tyre,
Mbeten si mjeranë.

Në flamurin tonë,
Kemi një shqiponjë,
Trime dhe luftëtare,
E zezë, dykrenare.

Himni i Flamurit,
Një tjetër element,
Kur nis e këndohet,
Zemrën e ngre peshë.

O çfarë kombinimi,
Këto simbole kanë,
Burim frymëzimi,
Për shekuj ato janë.

Shtetet e gjithë botës,
Prej tij i dallon,
Flamuri ka fuqinë,
Që njerëzit bashkon.

O flamuri ynë,
O flamur i shenjtë,
Që lidh çdo shqiptar,
Kudo që është, përjetë!

Çdo 28 Nëntor,
Zemra na rreh fort,
Flamuri valon krenar,
Anekënd botës mbarë.