Bija jonë, sot feston,
Mami e babi të përqafon,
Si mëngjesi që agon,
Zemrat tona i bashkon.

Ditëlindja jote sjell behar,
Gëzim, dritë e lumturi,
Po rritesh vajzë e mbarë,
Për ne je veç dashuri.

Vit pas viti ti hedh shtat,
Çdo ditë më e rritur, më e gjatë,
Sa më shumë koha shkon,
Jetën tonë e zbukuron.

Shumë urime po të vijnë,
Nga familja fillimisht,
Pastaj radhazi plot të tjerë,
Kushërinj, shoqe e miq.

Rrugët sapo po i nis,
Me ëndrra plot e mendje të lirë,
Ne do jemi gjithmonë pranë,
Në çdo hap, në çdo dëshirë.

Sa më shumë fat në jetë,
Sa më shumë dituri,
Se me të do çash kudo,
Më e madhja pasuri.