Mos guxo të futesh në zemrën time — do të llahtarisesh.
Aty zhvillohen beteja të egra me dhimbjen,
e muret mbajnë gjurmë gjaku dhe kujtimesh të ngrira.

Mos u bëj pjesë e saj;
dhimbja atje s’është dhimbje —
është furtunë që të gris mishin,
është zë që të shemb shpirtin derisa të biesh në gjunjë.

Mos guxo, sepse nëse guxon,
zemra ime s’të kthen më pas.
Do të ngatërrohesh në rrjetën e plagëve të saj,
peng i një dashurie që s’digjet,
por të djeg përgjithmonë.