E ku është kjo udhë që po na çon çalasi
si një bregore që plumbat zënë streh,
e ku është kjo rrugë që nisi e t'mos ndalemi
nga qëllimet tona, të shkelim mbi dhe?!

Dhe mbarë e gjithë bota nis e rrotullohet
mbarë e gjithë universi, nis e errësohet,
në prag të së nesërmes, vijnë të aguarat
ditët e diellit, dhe bashkë me to, të harruarat!

Vargë - vargë si poezia, nisi jeta jonë
si dallgët e detit, valët që s'pushojnë,
nisin rrahjet e erërave, si në çdo stinë
përtej maleve dhe brigjeve të fryjnë, ato dijnë!