Vera sfidon dimrin,
për shkak të nxehtësisë;
po ashtu dimri – verën,
për shkak të ftohtësisë.

Të dyja janë ekstreme
në luftë me njëra-tjetrën;
balancën e sjellin
vjeshta me pranverën.

Ashtu si vetë stinët,
është edhe jeta jonë:
ekstreme dhe balanca
do të ketë gjithmonë.

Mos përqafo kurrë
një veprim ekstrem;
ai është tinëzar,
vepron si karrem.

Jepi përparësi
mesit të artë;
po s’do që të digjesh
në ferrin e zjarrtë.