Mësues, ky edukator i madh,
ndër breza lë gjurmë me dorën tënde.
Jo thjesht një notë apo një vlerësim,
prej teje mësojmë mençurinë.

Ti je i pari që shkon në shkollë,
dhe i fundit që prej saj largohesh,
duke dhënë nga vetja,
që fëmijët të ndriçohen.

Diturinë që vetë mban,
e shpërndan te të tjerë,
që brezat e ardhshëm
të rriten në vlerë.

E lodhshme, por e bukur
është puna jote, mësues.
Gjatë rri në këmbë,
shpjegon papushim
një ekuacion në matematikë,
a një ligj në fizikë.

Ti, mësues i gjuhës,
me zë që zemrën prek,
reciton Naimin, Fishtën,
si të ishin aty vetë.

Të gjithë ju, të çfarëdolloj lënde,
jeni vlerë e kombit tonë.
Nga mendja juaj e artë
varet ardhmëria jonë.