Sheh një mesazh ndërgjegjësues:
“Ulni shpejtësinë – ajo vret!”
Por në autostradë, duke kaluar,
anës saj – një aksident.

Vazhdon rrugën përpara,
në destinacion.
Sapo largohesh nga vendngjarja,
një i çmendur,
me shpejtesi skëterrë,
të parakalon.

Sa vlejnë ndërgjegjësimet
në rrjetet sociale,
kur kamikazëve të rrugëve
vetë aksidenti
s’u bën përshtypje fare?

Ndoshta mesazhet vlejnë,
po kurrë kamikazit,
që nuk vlerëson dot Jetën,
shpirtin ia ka shitur Djallit.

E vetmja aleancë
që njeriu duhet të ketë
është një dhe e vetme:
Ajo quhet Jetë!

Prandaj, ju o kamikazë,
që si të tërbuar qarkulloni,
ngadalësoni hapin,
Jetën mos e shkatërroni.

Që vdekja të mos dalë
nga Portat e Ferrit,
Jeta të përqafohet,
e jotja dhe e tjetrit.