Hiri i Atit Qiellor,
të bën të bukur;
mëkati, që vjen nga i ligu
të bën të shëmtuar.

Takimi me Atin
të bën të lumtur,
por nëse ndjek Satanin
ti je i humbur.

Në fakt, nga Ati,
ne jemi krijuar,
që me Të gjithmonë
të rrimë të bashkuar.

Prandaj, o fëmijë,
çdo zemër të gëzojë,
se Jezusi në Kryq vdiq,
që Atin t’na zbulojë!

Së bashku me Atin,
plot me dashuri,
na dhuron pa masë
gjithë Shpirtin e Tij.

Kështu me jetën tonë,
këndojmë ditë e natë:
Lavdi, o Zot Jezus,
lavdi ty, o Atë!