Mund të them shumë, shumë me fjalë,
por dije: në vepra, s’bëj asgjë.
Jam e paaftë po të them.

Mund të them, për shembull, se të urrej…
Ah, mos mi merr për bazë –
nuk është e vërtetë.
Unë nuk di as të t’gënjej.

Mund të them: “Do iki, u lodha,
s’duroj më!”
Por ti e di:
s’e bëj dot.
Larg teje, unë nuk jam asgjë.

Mund të them, për shembull:
“Pa ty do isha më mirë…”
Ndoshta kjo edhe është e vërtetë.
Ama, sinqerisht:
të rri me ty, e vendosa vetë, me dëshirë.